Հաշվապահական հաշվառումը մասնագիտություն է կազմակերպությունների ֆինանսական և տնտեսական հաշվառումը վարելու վերաբերյալ: Այն առնչվում է տնտեսության տարբեր ճյուղերի, կազմակերպությունների ընթացիկ գործունեության հաշվառմանը, թույլ է տալիս եռամսյակային և տարեվերջյան տնտեսական գործունեության արդյունքների հիման վրա կազմել հաշվապահական, ֆինանսական հաշվետվություններ, որոշել շահույթի /վնասի/ առկայությունը, դրա հիման վրա կատարել համապատասխան վերլուծություններ և անել եզրակացություններ` ուղղված տվյալ կազմակերպության գործունեության տնտեսական արդյունավետության բարձրացմանը: Հաշվապահը կտիրապետի կազմակերպության ողջ տեղեկատվությանը, կունենա տեսական ու գործնական գիտելիքներ` աշխատանքը օպերատիվ կազմակերպելու նպատակով:
Հաշվապահական հաշվառում մասնագիտությամբ շրջանավարտը կարող է աշխատել`
- Հաշվապահ՝ առևտրային և ոչ առևտրային կազմակերպություններում
- Գլխավոր հաշվապահ՝ փոքր ու միջին ձեռնարկություններում
- Գլխավոր հաշվապահի տեղակալ՝ կապված կազմակերպության ֆինանսատնտեսական գործունեության ծավալներից
Հաշվապահի պարտականություններն են`
- Կազմակերպության ֆինանսական գործառնությունների ամբողջական հաշվառումը` հաշվապահական հաշվառման ընդհանուր սկզբունքներին համապատասխան, գլխավոր հաշվապահի անմիջական ղեկավարությամբ
- Սկզբնական հաշվապահական փաստաթղթեր նախապատրաստելը
- Ֆինանսական հաշվետվություններ կազմելը
- Դրամական վճարումներին, մուտքերին և ֆինանսական այլ գործառնություններին վերաբերող փաստաթղթերրի ճշգրտության ստուգումը
- Լրացնել էլեկտրոնային հաշվետվության ձևերը
- Իրականացնել ֆինանսական ներքին վերահսկողություն` իր լիազորության շրջանակներում
- Ձևակերպել հաշվապահական հաշվառման թղթակցություններ, կազմել գրանցամատյաններ և օգտվել համակարգչային ծրագրերից