Ստեփանավանի պետական գյուղատնտեսական քոլեջի տնօրեն՝ պրն. Ս.Ռ.Հունանյանի շնորհավորական ուղերձը շրջանավարտներին

Սիրելի շրջանավարտներ դուք քոլեջն ավարտում եք արտասովոր մի իրավիճակում կապված կորոնավիրուսի սահմանափակումների հետ,ինչը թույլ չտվեց այս կարևոր իրադարձությունը նշել հանդիսավորությամբ, ձեր ընկերների և դասախոսների հետ։ Միևնույն ժամանակ վստահ եմ,այս ամենն առիթ է խորությամբ ընկալել և վերաիմաստավորել այն բոլոր արժեքներն ու գիտելիքները, որ ստացել եք դասախոսներից և ինչու չէ ընկերներից այս տարիների ընթացքում։Ինչևէ, նոր ճանապարհի մեկնարկը տրված է, և ակնհայտ է մի բան, որ ցանկալի ապագան պայմանավորված է ձեր աշխատասիրությամբ և գիտակցված քայլերով: Համոզված եմ, որ քոլեջում ուսումնառության տարիներին ստացած գիտելիքները, հայեցի կրթությունն ու ազգային արժեքների ոգով դաստիարակությունը կօգնեն ձեզ` սեփական ունակություններն ու կարողությունները ծառայեցնել մեր անկախ երկրի շենացմանն ու բարգավաճմանը, մեր ստեղծարար, հերոսական ժողովրդի իղձերի ու նպատակների իրագործմանը:
ՈՒսումնառության այս տարիների ընթացքում դուք մասնագիտացել եք՝ տարեցտարի աստիճանանաբար ուրվագծելով ձեր աշխատանքային հեռանկարները, ձեռք եք բերել այնպիսի որակներ, որոնք կօգնեն ձեզ լինել լիարժեք մրցունակ և համապատասխան ժամանակակից աշխատաշուկայի պահանջներին: Այդ կապակցությամբ քոլեջը բարձր առաջադիմություն ցուցաբերած ուսանողներին երաշխավորել է ուսումը շարունակել ԲՈՒՀ-ում:
Սիրելի շրջանավարտներ՝մաղթում եմ ձեզ հաղթանակներ կյանքի այս նոր շրջափուլում, խաղաղ ու ստեղծագործ աշխատանք, նոր ձեռքբերումներ ու հաջողություններ նախընտրած բնագավառում: Թող իրականություն դառնան ձեր բոլոր ձգտումներն ու ցանկությունները:
Զինծառայության մեկնող մեր շրջանավարտ նորակոչիկներին ցանկանում եմ խաղաղ երկինք, ամուր կամք, եւ բարի վերադարձ իրենց ընտանիքներ, քոլեջը հպարտ է ձեզանով։
Ձեզ բարի երթ, սիրելի շրջանավարտներ……